Аккош

Category: Poetry
Аккош йөзә,
Дәрья гизә,
Дулкынлатып шәүләсен.
Дошманнарның
Күле кипсен,
Безнең диңгез шауласын.

Аккош оча,
Йолдыз коча,
Киңлекләргә туймыйча.
Без тынмабыз
Дошманнарның
Исемен җирдән җуймыйча.

Аккош оча
Ярсып, ярсып,
Күкрәк биреп давылга.
Без төзибез
Яңа тормыш,
Сер бирмичә авырга.

Аккош очар
Ил булып,
Шаулап искән җил булып.
Без яшәгәндә
Ил булып,
Дошман очар көл булып.

Available translations:

Tatarish (Original)