Борчылма!

Category: Poetry
Син кайгыра беләсең шул
һәрбер кыйшык адымыма.
Күзеңдәге нурлар, әнә,
бүртенгәннәр салкын дымнан.
Иреннәрең тартышалар
ябылалмый интегүдән.

Син борчылма!
Миңа бары
замана салкыны тигән...

Әгәр дә борын тыгылса,
шырпы керсә бармагыма,
кайгыр — эләкмәдеме дип,
берәр дәһшәт кармагына.
Әйе, бераз йөзем чытык,
күзем боек, баш иелгән...

Син борчылма!
Миңа бары
замана салкыны тигән...

Available translations:

Tatarish (Original)