Акчарлаклар чайкалалар
Идел дулкыннарында.
Иделдәй тырыш булырсың
синдә татар барында.
Күп давыллар үтсәләр дә,
синдә тарих эзе сау.
Син безнең туган җиребез,
әй, Сарытау, Сарытау!
Инешләрең, үрләреңдә
бабайлар хатирәсе.
Гасырларның якты данын
син безгә җиткергәнсең.
Тауларыңа менеп бассаң,
киңәяләр офыклар.
Син безнең йөрәк түрендә,
үз итсеннәр оныклар,
Сарытау!