һәркайдагы кебек Кояш,
Йолдызларың һәм Аең —
шулай да син күпләрдән
яктырак, Буакаем.
Әй, Буам-Буакаем!
Җаннарыма җылы алам
кайтып бер күргән саен.
һәркайдагы кебек таллар,
наратлар, юкә, каен —
ә шулай да син күпләрдән
ямьлерәк, Буакаем.
Әй, Буам-Буакаем!
Җаннарыма җылы алам
кайтып бер күргән саен.
һәркайдагы кебек кышлар,
моңлы көз, көләч маең —
ә шулай да син күпләрдән
серлерәк, Буакаем.
Әй,Буам-Буакаем!
Җаннарыма җылы алам
кайтып бер күргән саен.