Кесә көзгесе

Категория: Поэзия
Ниятебез актыр бүздәй —
без йөрибез бәхет эзләп.
   Көзге, көзге,
   син бит изге,
   сакла безне
   яман күздән.

Кояш балкый безнең йөздә,
телебездә җылы сүзләр.
   Көзге, көзге,
   син бит изге,
   сакла безне
   яман күздән.

Бездән кала матур эзләр.
Көнләшмәсен һичкем бездән.
   Көзге, көзге,
   син бит изге,
   сакла безне
   яман күздән.

Доступные переводы:

Татарский (Оригинал)