Күз тимәсен

Категория: Поэзия
Син сокланып карап торган чакта
ерганаклар тулы йөземә,
күңел бакчамдагы куакларда
сары яфрак шаулап өзелә.
Ул кушыла кошлар төркеменә —
алар канатында китә көз...
Табигатьтә ап-ак кышлар килә,
ә күңелдә җәйне көтәбез.
Күңел бакчамдагы куакларда
барлык яфрак җете яшелдән.
Күз тимәсен әле — күзем йомам,
күзләреңнән җанны яшерәм.

Доступные переводы:

Татарский (Оригинал)