Таш капчык

Категория: Поэзия
Тимер баулы таш капчык,
Хәлең җитсә, ташлап чык!
Үзең ташлап чыкмасаң,
Үләчәгең ап-ачык!

Шул капчыкка салдылар,
Авызын бәйләп алдылар.
Тегермәндә тартырга
Чират көтеп калдылар.

Кырып капчык төбеннән
Сөяк тарта тегермән.
Тегермәннең ташлары
Бар да үткен тимердән.

Тегермәнче каргана,
Он урнына кан ага.
Шул кан белән туклана
Патша дигән кандала.

Тегермән кан тартмасын,
Җил канатын какмасын!
Илгә кыйбат бу каннар
Әрәм булып акмасын!

Капчыкларны чишегез!
Тегермәнне ишегез!
Штык белән патшаның
Эчен төртеп тишегез!

Доступные переводы:

Татарский (Оригинал)